آخر ما كتب:محمدبن مبروك/سر القصيدة/

منذ زمن وانا أعالج ما يجد على الساحة العربية من مآسي وذلك بنصوص شعرية قد تبدو للبعض لامعنى لها ولكنني أرى من حيث لا ينظرون وتلك ميزة الشاعر ولكنني لا أجزم بانني المصيب أو المخطئ ويبقى جنون الشعر دافعا قويا لجميع الشعراء الذين يحملون هما ولا أتحدث عن الآخرين المتطوعين المطوعين الشعر للرقص.وظللت كذلك الى أن وصل بي المطاف الى هنا الى (سر القصيدة)فهل فعلا تحمل هذه القصيدة سرا؟ام ان كل ما كتبناه هراء ولم نكتب الى حد الآن أي قصيدة صورها جديدة.................../وهل يعيد المطلع الى الاذهان مقولة-هل غادر الشعراء........

مهما كتبــــــــــــــــــنا ومهما حسبنا** ومهما قطعنا مســــــافه بعيده
ومهما جلبنا ومهــــــــــــماهلبـــــنا** التو ما كتبنا حتى قصــــــــيده
صورها جديده وما انزاد للشعر شيئ ألّي يفيده

**********
م: مــــــــازال ما جاد ليّا القـــلم**بقصيد صــم ** ومازلت في الشعر نبحث الم
والتو ما ســـــــخن عــندي الد م**مسكّر الفــم** ومازال بنــــــــدير عندي ينم
والتو فالح في ضـــــــرب الجلـم**نزز الغنــــم** وجرّاح نـــــــنزل لتحت اللحم
والتو نضحك في وجه الْظلــــــم** نقوله نعــم** أنا وخوي خصما وأنت الحكم
والتو نجــــــري في ظل القــــمم** طالب سلم **والتو طامع في بيري يــــــجم
وسلّمت في حـــــصان دْهم أصمْ*وراكب جريده** وناوي نقصّر مسافـــه بعيده
ونوصل قدا وين عندي عقـــيده*وقدسي نهيده** نصلّي صلاوات فاتــت عديده
**********
ح: حيران حاير وصوتي انبـح** نلقي نكــح**على الجمر عافس وما قلت أحْ
والتو لاهي في نظــم السبـــــــح** نركّب انّحْ **وسبحه تغلّطْ وسبـــــحه تصحْ
والتو نجري في جرّة شـــــــــبح** لوكان صحْ** مالشعب هذا نقـــــــولو انجح
والتو نشطح مع من شطـــــــــح**فوق السطح** وننبح مع كلب غـــــربي نبح
ردّاح بين المـــــــــــــلاهي ردحْ **زاهي فرح **وهو هزسهمه وسهــــمي تنحْ
ولا حدْ عيّبْ علــــــــــــيّا نصح**بكلمه سديده **على قفاي نرجع مسافه بعيده
ونقوى على القيد نكســر حديده **نكره نريده **الموضوع هذا العليه العصيده
**********
م: مازلت ما فهــمت حتى كلام*في ستّين عام** همنا وكاثر عليـــــــــنا الهيام
وعشنا على حلم وأكبــــر أحلام** كلمة سلام **وما فهمت حتى بخــــط الرزام
كذبوا وحطوا عليــــــــنا الملام**وتحت الظلام**غمـــوه غمّــــــان طير الحمام
ولاغصن زيتون دايـــــــــم ودام**وأهله كرام **ولاقدس سلّم وردْ السّــــــــلام
ما دمت نكتب لســــــــود الميام**وسمح لبسام** ومادمت والع بشــــعر الغرام
ومادمت نافح بسمـــــح الوشام**وعين الهميده** وكوّارجي كبير رافع الشيده
ونحكي على سوم (بابا نجيده)**وصفقه جديده**(وزيدان)قداش زعمه رصيده
**********
د: دوّرت كيفاش نكتــب قصـــيد**الماضي يعيد** ويبقى مع الـــدهر ديما جديد
ولا لقيت شاعر عنده رصيــــــد**وقــدره يزيد** كانش العايـــــش على مد ليد
ولا ثم منهو البنيه جــــــــــــديد**وعيشه رغيد** كان من تنهّد وزايد نهيــــــد
ويا شاعر المليون ولّيت صيـــد** قول ما تريد** محظوظ رغم الكلامك يكيــــد
ولوكان برّك نقـــــدر نهـــــــــيد**ونوصل بعيد** ونتحاكّوا حكّان زي الحديـــد
برغم إألّي كتّلْ علينا الصديد** نبدا المزيده** ونشعل كما شعل عرف الوقــيده
ونرد قرطاج تحفه فــــــــــريده**وتبقى عميده** العلجالها الفقر حامل صهيده
**********
م: مازات تنسف رياح الحسوم**الفيها الغيوم**هبّتْ على وطن بخته مشوم

تخدّرت لا عدِ تْ قــادر نقــــــوم**خذاني النـوم**وفطرت رمضان كاره نصوم

وربّحِتْ في وطن برخص السوم**وصاحبت قوم**هزواحقوقي وغبوا الرسوم
وعلّقِتْ من الذل خمسه نجــــوم**ونهدر نزوم** بلا علم لاني مــن أهل العلوم
وجاحد على الناس ياسر همـوم**رعاني سموم*على الجرح داير ضمايد الثوم
ويا جد جدّي أنهض وقـــــــوم**وهات الضميده**لجروح كثرت وتنزف شديده
ومشلول يرعي في سنـــد سيده** يمِدلاش ايده** والسيد سفّاح ماضـي حديده
**********
ب: بالله ثمّاش شـــــاعر كتب**عجب يا عجب** ما عاد واحد العنــده الغضب
كان صوت واحد سمعته يسِــبْ**ونـــاره لهـب** والنار هذه بـــــــلاشي حطب
على كل شيره تولـــــــــع تشب** نار الغـــــلب** كما نار بغداد هــــاهي تصب
ولبنــــــــان ينحب مع من نحب** حلّـه صعِــبْ** مقــــــسوم شقّين بين العرب
مابين قـــــــدّم ووخّـــــر وُطبْ **حمْله انصلبْ **ولذياب لاذت ودارت شــــغب
وغزّه الغزاها قلـــــــــــيل الادب**نصب المصيده* على كل شيره ناصب عبيده
وبقت غزه صبوره عنـــــــــيده**في أيّام كيده** كبست على شعب نحّت وهيده
**********
ر: راعيت والريق زايد مـــرار**وحامل العــار**ولازم نبدل نحـــــــــــوّل الدار
ووين ما شبحنا بكلها دمـــــــار**صعِبْ المسار** وكل يوم يطلع عليــــنا قرار
قانون يحمي في حق الصغــــار**بقتل الكبــــار** وقانون آخر يعادي الـــــجار
وبالسّلم وسلام عيشـــوا أحرار**رغم الحصار**مع القط ياخذ نصيــــــبه الفار
وبالسلم ولّتْ عربنا أشْــــــــرار**والظلم حـــار** وماعاد يا صاحبي مـن خيار
من بعد ما وصل لمجد العـــــار**ومسّواالعقيده** وعرفوا المسافه علينا بعيده
والشعب هذا مقيّد بقــــــــــــيده**صور بحديـده** ومغدود ما انغدْ ولـــد الغيده
**********
و: وازيت ما لقيت كلمه التـــوْ**اطيّر الســـوْ**يبهرش من شـــرق يطلع الضو
ويا وطن ظنّيت ناسك مشـــــــو**ضاعوا غدو**وتعبوامن الجري دهشوا عيو
ولا نافع البكــــــــــي حتى بكوا**ألي هو هـــو** ما دام فينا طــــــــــوالع السو
القطعوا كرايم رجالك مشـــــــو** راحوا فنـــو** رجال ألّي علّــــوا البني وبنو
استنّيت ويهم رجالك بطــــــــوا** ولازم يجــوا** ولازم ادّكِمْ سحـــــــــابة النو
تدهم على الواطــــــــــيه والعلو** تزكي الميده** وتظل دجله عليهم شــــهيده
الشِهدت على بطل قطعوا وريده**في نهارعيده** وكل عيد لعنه عليهـم جديده
**********
ك: كتّيت دارك لحقـــني الدركْ** وما قلت وكْ** ولا دار دوّار ريــــــــح الفــلكْ
البارود قاعد لغـــــــــــــدوه يبكْ** ويــــدك دكْ** و سور القصيـــدة تبهك بهكْ
وساعات نبدا في روحـــي نشكْ** ننكر نصــكْ** لاريت لاسمــــعت حِسْ ودبك
صابر ولاكن تقــــــــاوى الصك** سهمي انفكْ** ولالـيد طالت لجلــــــدي تحكْ
سكرنا وهدرنا بدق الحـــــــــنك** طلعنا عككْ** ومحيوز هاني في خانت اليــكْ
ويافارس القــــــــوم جملي برك** بلادي بعيده** نلقاش في قومكم من سنيـده
سيد وجيّد افكاره سديــــــــــــده**بفكره رشيده** يكمّل معايا بقية القصـــــيده

ــــــــــــــــــــ تمّت

تفضلوا لسماعها هنا