آخر مشاركاتي في المسابقات الرسمية /دوز2007

كندر زمت لحجل هدر في الساحه***جرحي اندمل بجراحه

رجع ردني لماضي غدى مفتاحه

*****

رجـــــع ردنـــــــي للمــــــــــــاضــي** لتراث فــايت ما حضاه الحاضي

نوض يا قلم رتِّبْ معــــــايا ألفاضــي** وهِز النظر وأشــبح مع الشبّاحه

مسير قافله سارت على المركاضـــي** وراء شاحبه مشوهمـــه جولاحه

*****

خُطْ يا قـــــــــــــــلم ساعـــــــدنــــــي** لموضوعنا وما طالبه قـــــوّدني

وكانك خبـــــــــير لبيرنــــــــا ورّدني** في سبعة الستــــــــّين للصحّاحه

صغير سِن بِحْــــــداش سنه توجدني** مع القافله ساير مساء وصباحه

*****

مع الــــقافـــــــــله متْـــــعــــــــــــدّي** محـافظ على تراث ورثة جــــــدّي

ويا سايـــــــــحه خذي القلــــم وعِدّي** وتأمــــــّلي في أوراقنا صـفّاحه

أربعــــــــين ورقه إقلبي وتعــــــــدّي** وفي كل ورقه تــوجدي تصحاحه

*****

فـــــــي كل ورقــــــــــــه ذكـــــــــرى** لرجال جـــادت جـود فايت حكره

مشى هـــــــــزها غدر الزمان ومكره** مشوا كنّهم ما (خوّطوا)هالسّاحه

صناديد عاشــــــوا يكسبوا في البكره** لا ردهـــــــم بـارود لا نوّاحـــــه

*****

كانـــــــــــــو هــــــــنا في قْــــــــبالي** في وين رسمـــتْ حفـلة الطبّالـي

وكانو تريــــــــــــس ولابسين حوالي** وجْحاف فوق جمالها قرداحــــه

حِس ذاكره بعّدْ وقــــــــــــــرّب هالي** كما إبعِدْ زول مباركه وأشـباحه

*****

كمـــــــــا إبعــــــــد زول ذكـــــــــرته** سلّمت في الـــــــتراث ما طوّرته

تقول ما حكيت علـــــــــيه لا صوّرته** مرحول تسمــع هرجـته وكلاحه

ولا زارني طيف القديـــــــــــم وزرته** ولا رميت خرته وسكتي جرّاحــه

*****

نرجــــــع إلّـــــــــــمْ صـــــــــــــورنا** في حنيش جينا نشوفها وحضرنا

البيها زهـــــــــــى زاهي إفرِحْ زايرنا** ومنها المرزوقي كــسب أرباحه

ويا ذاكره تبّع بقـــــــــــــــــايا جررنا** وين ما بقـــص البقص بالقدّاحـه

*****

ريتـــــــــــــــــيش يـــــــا ذاكرتــــــي** في تراثــــــــنا قدّاش ما صوّرتي

صورة جمل أزرق هويتي إختــــرتي** عليه راحله و(بغرضته) درجاحه

ماك حاضره يوم التحدّي إحضرتـــي** منينه منع (كاصه) على الجولاحه

*****

أزرق وبــــــــــرنـــــي عـــيـــــــنـــه ** كرومه طـويله والقـــــــوايم زينه

وذروه ورى الغارب تبان متــــــــينه** يهِفْ هَفْ رامي خطـوته شلواحه

زمان بيه شقّــــــــينا فيافي شـــــينه** منين صحرتي تصعب على البجّاحه

*****

زمـــــان بـــــيه يا مـــــا سفـــــرنــــا** منينه العدو يخاف قطـع جـــررنا

منين الهـــــــدف نصــــيب لقمـــــّرنا** بموزر طـــــــويله زرارها لوّاحه

وإلاّ سلــــــــوقي من (المرص) نترنا** ورى الــريم راحت غبرته كثّاحه

*****

ســـلـــــوقي جـــــلب صايـــــدتـــــــه** قــــــدى نجع متعـوّد عليه فقدته

بيوت سود في وسيع الخلا تتـــــوتى** من البعد كـــــان كلابــــها نبّاحه

والنجع عِز الضيف كان قصــــــــدته** يحمـيك ما دامك نزيل مـــــــراحه

*****

يحمـــــــــــــيك تبقى صــــــــديقـــــه** ويرويك في يوم الشهـيلي وظيقه

على بير مـــــا يعرف الغيــــر طريقه** ثلاثين قـامه أدلاوها زنـــــــداحه

ينقْ نقْ ما يهسِّش عليك نقيــــــــــقه** بمجبد يجيبك من البعــيد صياحه

*****

يجــــــــــــيبك كريــــــــر حبـــــــــاله** وجرّارته تزغــرت زقت في حاله

وقفوا عليــــــــــــه( يهولموا )رجّاله** يملوا جـــــــوابي واسعه نضّاحه

و القافله في حمــــــــــــــولها عدّاله** عليه بـــرّكتْ تملأ القـرب براحه

*****

لا القصد عنـــــــــــدي قـــــــوافـــــل** ولاني على موضوعـــــنا متغافل

ولاهو سفل شاعر يقـــــــــولوا سافل** زمان شعرنا لتـراثنا مفـــــــتاحه

وجاء عرس رجعلي ربيعــــــي حافل** يجددْ ينــــــــوّع للتـــراث وشاحه

*****

جاء عرس جــــــــــــاب اللمــــــــــّه** عيد الــجمل في أوّله يتســـــــمّى

رعيـــــــــــناه حتى وصِل لأعلى قمّه** وقدّاش من الـــعالم جلب سيـاحه

ومن صحـــــرتي عطيناه إسم إسمّى** ركزناه عــالتراث زاد سمـــــاحه

*****

من عـــــادتـــــي وتــــقــلــــــــــــيدي** عيد صحرتي راسـم صورّه بــيدي

يسعى ونسعـــــى معاه للتّجـــــــديدي** ومربوطله زي نيرة السفــــــّاحه

برغم إن لجالي الـــــوقت نح وهيدي** ( ندورد)علىمبـيضْ بلا (طٌرّاحه)

*****

نــــدورد مثــــــــــــيل العـــــــــــــــاده** ومشدود شدْ البــيت بين أوتــــاده

الما يعرفه واجب عــليْ مقــــــــــواده** لساحه كبيره أبواقــها برّاحـــــه

يشيّعْ نظـــــــر العين عالمـــــــــعتاده** بين رمـلها ورقراقها وضحضاحه

*****

بيـــن صحــــــــــــرتي وإغيــــــــــبْها** عـــــــــادات مهرجـانّا قرّبــــــــها

ولولاه تغدي أجيال عل مضــــــــربها** ولاعِدِتْ تلقى حـدْ في مـــطراحه

ياسِر مشتْ موج البحــــر قلبْـــــــــها** فجورعصـرنا ركبتْ على بطّاحه

*****

نــــــاس ياســــــــــره ركّبْــــــــــها** ورحلتْ مشتْ راحتْ خطتْ مضربها

كما القــــــــافيه مني الزمان سلبها** كيف ما إنسلبْ ثايـر وفكّوا سلاحه

نصوّر صورْ تقـــدي بنار حطبهـــــــا** إنّال حرها وغيري ينـــال الرّاحه

*****

نسقّــــــــدْ نشِـــــــــــدْ رحــــــــــــيلي** ونبعِدْ عليها القــافيه تـــــــولّيلي

وكل عـــام تبعث دوز وتــــــــوصّيلي** تهيج القريحه الـرّاقده مرتاحــــه

نصٌدْ بابها وصــــــــــدّانها يوحــــيلي** ويشطح قلم حبـري مع الشطـاحه

*****

شوق القــــــــــــلم قــلــــــــّقـــــــــني** يصوّر تصـــاور شوق ويشوّقني

يظل خاطري لِمـــــــا فاتني واثقــــني** نخش البحر نســبح مع السبّاحه

ولا نحِلْ فمّي لماه لا يشـــــــــــــرّقني** ونسبل إذا طيــــره سبل جناحـــه

*****

نرجــــــــــع قـــــــدا موضـــــــــوعي** ونحوم بين منازلي وربــــــوعي

نحافظ علــــــــــى ما كنْ بين ظلوعي** تراث مستعصـي على النحــــّاحه

وتبّع مثل واضح لـْكــــــانك تـــــوعي** بلاقرون مـا تدْخل مع النطّـــاحه

*****

لمـــــــــــــثال للـــــــــــها معـــــــــنى** لتــــــــردّدتْ مرّات في مســـامعنا

خيار القـــــــوافي أمثال وتـــــــرجعنا** وطــــــرز القوافـي تعرفه الفلاّحه

ملكناه شعر جــــــدودنا وطاوعـــــــنا** كلمه وصــــوره وقافـيه وفصاحه

*****

هـــــــــــــاذاي مـــــــا واتــــــــــــاني** وكل عام نتــجدد بمهرجــــــــاني

وعـــــــاء لمْلـــــــي تراث فيه ألواني** لتخالــــــفت للوان للشــــــبّاحه

ولثْــقـِلْ لفــــظ القافـــــــيه في لِساني** ينعـادلي بالحرف والتـــــصحاحه

*****

آخـــر كـــــــــــــــــــــلامي ليكــــــــــم** (جريح القوافي) يشِـدْ فوق يديكم

سعيد عيدكم بالعــــــــــــيد تنهـــــنّيكم** يدوم فـــرحكم وتدوم ليـنا أفراحه

شوق جابنا لوقــــــــــــوف بين يديكم** أمّا الجــــوايز مـا غنـــــت رباحه

ـــــــــــــــــــــــــــــــــــــــــــــــــــــــــــــ(إنتهت)

للاستماع افتح الفيديو