طول اللـــيالي يسهــــــّر المجروح*** وطول الســـهرما تجيش منَهْ أفاده
وكل من تغرّب عل وطن ينــــــوح*** وما غريبْ كـان غريب وسط بلاده
طول الليـــــالي يتعَِبِ السَــــاهرين*** وطـول الجفى ينسَي الحبيب حبيبه
وكثْرٌ الدَرك نزَلْ دموع العيـــــــن*** وكُثــــر الحِكاك الرَاس خرَجْ شيبهْ
وقايسِتْ حال الوقِتْ بمـــــــوا زين***ْ وحكَرِتْ في التـــــَحْكــِيرنلقى خيبهْ
بين الضَمِــيرهْ لطــــــَخه بالطَـــين*** وبين التعفَــفْ نــــا ل منَهْ هيــــــبهْ
لقيتْ فرقْ يـــــاسِرْ بينهم لثـــــنين*** وكل الفوارقْ واضحه علْ صيــبهْ
ولوَلْ ضمـــــير آلاف موجـــودين*** الثاني غريبْ الــــــوطن في ترْتيبهْ
ولوَلْ أصــــحابه شخَروا نايــــمين*** الثاني سهِرْ للصبحْ كيف العـــــادهْ
ولوَلْ تهــــــزَا بالحــيا والدَيـــــــن*** الثاني ســـكبْ الدَمع فـــوق وِسادهْ
لوَل ظلم روحه وظلــــمْ النـــــَا سْ*** وسكَرْ على الثـــاني غلقْ ا لبـا بْ
ولوَل فـــــقدْ العِزْ والاحــــــسا سْ*** تلَفْ ثــــــنيته د خلْ غيمْ ضبــــا بْ
ولوَل عــفسْ كل القـــــــِيمْ ودا سْ*** ولامعــــــرِفه لاعِلمْ لا تـــــِجرا بْ
ولوَل رمى لشرا ف في لحبــــا سْ*** وعــــاملْ ذراريهم كمــــــا لكلا بْ
ولوَل ذبح فضــــــيلته بالكــــــا سْ*** وبيهــا حكى تفخـَر على لصحـا بْ
ولوَل سكبْ الحِـــــــبرْ عل كرَا سْ*** ولطَخْ مبادي ما قرا بحِســــــــا بْ
ولوَل على الثاني هـــدمْ السَــــا سْ*** الثاني إدْرِكْ من الحِمِلْ وحده كاده
ولوَل عفسْ في العفِسْ شدْ البـا سْ*** الثاني زقى من العفِسْ لـوَل زاده
الثاني غريب الوطن والتفكــــــــيرْ*** وفي غربته محكـــــومْ دايـــــمْ دومْ
ودرْبه طويلْ إبعِدْ في التحـــــــكيرْ*** وليله إمطوَِل والطريــــــق غُيـــومْ
وذنبه يفكَِرْ في حوا لْ الغـــــــــيرْ *** يخمَِمْ على العرْ يان والمـــــــظلومْ
يحب عِـزْ موشي كلام وتصـــاوير*** والعِزْ مـــــا يهـــدوه للمـــغـــــرومْ
والعِـــــز لوْ لوَلْ يفــــــيقْ يحــــيرْ*** وغير لوْ مــــا رِضْيتْ تخشْ الكومْ
ولوكـــــــان يرسُلْ ربنا تقــــاديــرْ*** يفيقْ من تغطَى بالــــــــوتغْ مردومْ
تحِدْ غربته الثاني يــلاقي نصــــيرْ*** نعيدو مبادي وطننا وأمـــــــــــجادهْ
ولاأقعادْنا في الكــسرْ والتَجـــــْبيرْ*** ما بين بـــــاب الحبِسْ والجـــــلاَدهْ
لوكان يـــــا ثاني لقــــيت رفــيـــقْ*** ما نرضخو للظـــــلمْ والطــــــُغـيانْ
ولــوكان يا ثاني معــــاك شقـــيــقْ*** ما تضيع منَا القُدِسْ والجــــــولانْ
ويا وطن مِنْهـــــو مزَقك تمــــزيقْ*** ومنهو الغرسْ في قلــوبنا لحْـزا نْ
إلاَلْ يا متى والشمِس بالتَــــــدْريق*** والشَِبلْ ما يعرفْ طريــــــــق آمانْ
مقابِلْ مدافــــعْ ضربها تلــــــحيــقْ*** للها تصدَى بحــجرة الصَــــــــوَا نْ
أمَهْ وجعـــْها القلب من التَخْـفــِيــقْ*** وكل يوم ليه إمـــحضْرهْ لكـفـــا نْ
ولا طالبِ التَــــشجيعْ لا التَصْفيــقْ*** حُبْ الوطن في القلب عنده عِبـــادهْ
بيده كتبْ صفـــــحاتْ بِتْحـــاقيـــق*** وكل إيدْ تبــقى لجرحها ضــــــــمَادهْ
قـــــدَاش باش إنضمْدو من أجراحْ*** وتضـــــــْميدنا حيراتْ وتــــناهيــدْ
ومن كل جيــــهه صرفقتْ لــرياحْ*** وضرَتْ مراكــــِبْ ما لــــــها تحديدْ
ومنها مراكِــــــبْنا بدتْ أشـــــــْباحْ*** إبْرِدْ دمنا صقَعْ قـــــعدْ جلـــــــيــــدْ
وفي البوسنه مــــاتو بلاشْ إسْلاحْ*** الصومال ما عادتْ شُعُــوبْ تفـيدْ
وحِصارنا في بغــــــــداد ما ينزاحْ*** عليه كثَروا التفــتيـشْ والتَنــــــكيدْ
وفي ليبيا ما طالـــــبين سمـــــــاحْ*** وشُرْطو علــــينا نعـــــــاودو دافيدْ
ذلَيتْ يا لوَلْ وقــــدْركْ طــــــــــاحْ*** إلاَل يا مــتى في الذَلْ تــتِدْمــــــادى
بالبطنْ بعتْ الوطن بالــتــــصحاحْ*** بدوْ غيرنا في أصراعـــنا جبَــــادهْ
لاالبـــيعْ لاالبـــيعـــانْ لالسْــــــوامْ*** لا السَومْ لاالشــارِي ولا الدَلالــهْ
إسْتسْمحتكمْ في قولْ برشى كـــلامْ*** كلام الغريب ما هوشْ زيْ أفعالهْ
ويا قلب تنْوجَِهْ قـــــــداكْ مــــــلامْ*** وفي اللَوم ما نقْبلْ كلام سفـــــالهْ
وظنَِيتْ في عِرفي دخـــلتْ أوهــامْ*** والوهمْ في مولاهْ يعْمل حــــــــالهْ
وحدي غريب الوطن في لحـــــلامْ*** والوهمْ في مولاهْ يعْمل حــــــــالهْ
وحدي غريب الوطن في لحــــــلام*** والغيرْ للثَـــــــــاني بدوْ إرْجــــالهْ
وزيْ من يصلَي عالــنَبي وصــامْ ***وزيْ من كلِي رمـْضان باقي يسالهْ
خُشْ ليلْ يا قلبي سوادْ ظــــــــــلامْ*** مازالْ موَالكْ طويــــــــل إنشـــادهْ
وكيف ما تغرَب علْ وطن صـــدَامْ*** من غربتهْ جــــاعو بكــــــوأولادهْ
بكــــينا على لحباب والجــــــيرا نْ*** وقلنا كــلام ما يلـــزمهْ ينْقـــــا لْ
وطالْ وقتنا في الآه والاحــــــزا نْ*** ولا الـــوقِتْ متغيَرْ ولا لحــــْوا لْ
ومن حالهمْ يُحزِنْ رضوْ لهــــوا نْ*** طلعـــتْ قصـــــايدْنا بلا مِـــكْيا لْ
وقدَاش من شاعركتبْ بحنــــــــا نْ*** وقداَشْ من موَالْ جــاء ع البا لْ
وكل القصايدْ طــا ئحتْ لـــــوزا نْ*** مادامْ قلْنا قـــــولْ مــــــــــا ينقا لْ
أحنا كُبارنا باعــوا بـــــــــلا ردَا نْ*** ولِهْثُو وراء الثـرْوه وكثْرِ الما لْ
وهمَا شرونا بأرخــصِ الاثمــــا نْ*** ألي باع ناوي للوطـــــــنْ فسادهْ
ألي تسأله يجاوِب بكـلمة كــــــا نْ*** والكانْ في راس ألَي كثِرْ عنـادهْ
بعــناه وطلبــنا اليـــوم الـــــــــرَدهْ*** وطــــال نومْنـا من بعد ما بِعْنــاهْ
وســـكَرْ علــــــينا لعـــبهمْ بالــسَدهْ*** وضاع الطَرِيقْ اليــومْ تلَـــفـــْناهْ
والمجــــِدْ والتَاريخ جيــــنا ضِـــدَهْ*** مع أجدادنا وأعمامـــنا د فـــنـَََــاهْ
وكل من تعــــشَى خوكْ بيك تغدَى*** بكري كلامْ أكبــارنا جـــــــينــــــاهْ
وريتْ العجبْ صا حِبْ الحق تجدى*** لعــــدوه يتـملَقْ وطــــــالِبْ جــاهْ
وكل البــــــناه اليـــــوم بيـــده هدَه***طلْعتْ الحـِسْبهْ حسابْ ما حسبْناهْ
بدا واجبي نِــــنْهِي قصيــدي إنحِدَهْ*** حسَِيتْ بحر الشـــِعر سكَـــرْ وادهْ
وحتى القلم ما قدِرِتْ بيدي إنـــشِدَهْ***بخِلْ جفْ في عقاب القصيده كادهْ
حسَِـيتْ با ب الشعـــــــرْ وادهْ جفْ*** ولاشْ السَهرْ والشِعر علْ متهنَي
ولا نـــــكتبو لشعـــارلانـــــوصَِفْ*** ما عــــــاد في هالوا دْ شيء إ ثنَي
المجروحْ متكدَِ رْ خرجْ من الصَفْ*** لعدوه مِجــــــــــَدَِي كلامه وصلني
غريمه إضحـــــِكْ رجَعْ عليه بكفْ*** في وادْ حـطـــَه لا بــــــغاشْ إونَي
ولـــــولا هبلْ الرَاس عــقـــله خفْ*** ثمَاشْ ذ يبهْ على الغـــــنمْ إتْهنَي
وراكُـــمْ جــرينا لنْ نـقـبـــتو الكفْ*** وهمْ حالكمْ وحوالكُمْ شـــــاغلني
رمينا كواغِـــــطْنا من فـوق الرَفْ*** بدى الشِعر حرقه والحديث زيادهْ
إسكِرْنا تكـــــيَفــنا ولاخـــــــرْ نفْ*** كتبْنا تعــــذَ بْنا خذينـــا إقـــــوادهْ
ـــــــــــــــــــــــــــــــــــــــــــــــــ(تمت)
ليست هناك تعليقات:
إرسال تعليق