أليف الله يا صاحبي تسامح لبنات(من محور غزل في الكبر)

من اهم القصائد الغزلية في كتاباتي هذه القصيدة ،فبعد هوى هدني ،وغزليات الشباب هذه إحدى المطولات في اليف أيضا وهي قصيدة متحصلة على الجائزة الثالثة بمهرجان أم الزين بجمّال.

أليف الله ياصابي يسامح لبنات ****** وبخصــــوص السّمـــــحات
ألّي هذبهم ورموشهم قتلوا ميّات

*أليف الله يا صاحبي ربي يســــــترنا** من هـــــــذب النّــــــــــــاحرنا
إذا هزّاته آسيـــــا يفجّـــــــِرْ قازرنا
صبرنالك يا آسيـا واش يصــــــــــبّرنا** من رمــــــــــش الكـــــــــدرنا
قاوي ضرب سلاحـــــها منه إدّمرنا
وتدميرك يا آسيا في رابع جــــــيهات** وقـــــــــــــــوي الضــــــربات
ودخلتينا غــــــازيه بلاش سلاحات

*الباء بالك يا صاحبي نظرة ربـــــاب** ألّي شفــــــــرهـــــــا نشّــــاب
إذا تمكّن في صاحبه يخلّفْ لتعـــاب
سببْ كاين يا صاحبي والدنيا أسبــاب** وكي حـــــــلّيت البـــــــــــــاب
لقّتْني لأتْعــــابها وطــــالت لتْعـــاب
تمكّن فيـــــنا ضـــــربها ثابت بثبـــات** زمان عليـــــــــــــنا فــــــــات
ما بريتشِ جـــــروحها تحت الدّفّات

*التاء تاعب ومتاعبي من نظرة قوته** في النســـــون مشـــــــروطه
وين الزين آ صاحبي تربّعْ ببيــــوته
وريت سوالف حدّرو وقصّه مسلوته **خلّـــــــــي بالمـــــسكـــــــوته
ناس بهْتتْ في زينها قعدت مبهوته
ومِتْمرّض من يومها عنـــدي روعات** اللـــــــــيل الكـــــل إنبــــــــات
نتفجّعْ في مـرقــــدي عدّة مـــــرّات

*الثاء ثابت بالثـــــابته حديث الحدّاث** ألـــــــي وصّــــفْ ميـــــــراث
ألي حرثت في قلوبنا بسكّة محراث
ولي مدّه في عقابهــــــــا نجري لهّاث** ذبـــــــل الـــــــــوجــــه ولاث
نتوحى لأخــــبارهـــــــا ديما حثاث
وهيا عـــــــدّتْ وقتها زهـــو وراحات** بيــــــــن لعب وضحكـــــــات
ولاتحدّد ميعـــــــــادها ولاقالت فات

*الجيم جرحي ومصايبي العارم خدّوج** نمشــــــــــي جهــــامه نموج
وعندي مدّه فايته منها ممــــــروج
وإنت سكنتي عاليه وبنــــــيك بدروج **كــــــان العيــــــــن تلـــــــوج
وبالله يا صاحبي قول للعمــــــهوج
حدّرْ جيب ودايدك بين هــــــاك وهات** إدّرّجْ عـــــالـــــدرجـــــــــات
راهي العسه راقده في رابع نومات

*الحاء حاير ومحايني في جرّة(صليحه)** وشاقي بلا تـــــرتيحه
وفي هواها وغرامها بين نوضه وطيحه
وخايف كان نصارحه تبدالي فضــــــيحه** سِبّـــاحه وتسبـــــيحه
خيار الكلمه ملمــــــّحهْ فيها تلمـــــيحه
والمشكــــــل يا صاحبي غلـــــطْ قياسات** على عــــدّة مــــــرّات
إصّرمْ غزل يقـــامنا بين النيـــــــــرات

*الخاء خايخ يا صاحبي وتعبت لمــخاخ **في جــــــــــرّة (مناخ)
مناخ هدّي من مشيتك راهو خالك داخ
إلاّل يامِتْ في جمــــــــرتك قاعد نفّــــاخ **وفي جــــــــــوّك ربّاخ
غــــــــدرتيني يا غادره وسيفك فضّاخ
كيف ينزل عل صــــــاحبه يورّق فتّــــاتْ** ماضي في الشفـــرات
على عمـــــالك وفعايلك ما عاد إسْكات

*الـــــــدال دايا وغـــــــدايدي منها (وداد)** إذا تــــرقص لنهــــــاد
وياما عطت وعودها وفات المــــــيعاد
نا نحكي بغـــرايبي وأصغوا يا عبــــــــاد** ألي داخـــــل للــــــواد
يرد باله لتجرفه الــموجه وتنـــــــــــزاد
وياما بكري قـــــــــــبلنا جرفت نــــاسات** الما قـــــروْ حسابـــات
تهزه الموجه تجـــرفه ويقــــــولوا مات

*الذال ذابل في مكــانتي وبيـــــــا(نبيذه)** بيــــن مــــــرّه ولذيذه
وصادر فيـــــنا حكمها منـــفّذ تنفـــــيذه
ودار علينا صـــــورها ملــــوّذ تلـــــويذه **وتلــــــويذه وتلــــويذه
ومن يقرب من صورها قصد التيخـيذه
حطوا قواعد صورها سته إسطـــــــاوات **وعلوا في العـــرصات
منه صعٌبْ خــروجها الكتبـــه مـــازات

*الراء ربي ياخالقي تعطــــــّف (منيره )** ألْدارت فينا حــــــــيره
ألي قاعد علجـــالها نجغــــط في البيره
وقعدتلي من وقتـــــــــها عندي تصويره** متحـــوفه وصغيـــــره
نتأمل في ملامــحك ننسى التكــــــديره
تـــــــــرجعني ونــــــرجعك للذكــــــريات** نثبّت في الصـــيفـــات
قمر سـاطع في ليلـــــته غبى النجمات

*الزيه زلّتْ يا صاحبي رجلي( لشيراز)** راعف طيــــر البــــاز
شبكتــني في حبها وغــــاب الحـــــزّاز
متمني في خـــــــــاطري معـــــاها برْزاز** يقولوا الفايــــز فـــاز
ولانبخل علْـــــصــــاحبي ولاني مكزاز
يسهّرني ونسهــــــــــره لبعــــد النجمات** وثمْ الحـــسْ يبــــــات
يخدرني ونخـــدره سبعـــــه ســــاعات

*الطاء طول مرسالها ونســـيتْ (وسيطه)** ولاجــــابتها العــــيطه
غزال شارد في الواعره وعنده تخرخيطه
والله لولا بعدها ولولا التـــــــــــوريطه** ويبدا هــــــرج وزيطه
ولولا العسّه الناصبه فــوق القـــاريطه
نخشْ نسبح في بحرها بيــــــن الموجات **زي زمـــــان الفــــات
ونترشّف من كــــاسها عدّة رشــــفات

*الظاد ظايق في خاطري والنفس مريضه** على شبحة (لحيظة)
وكل نظره من عيـــونها فيها تخلويظه
فايض منها كاسنا فيضه وراء فيــــــضه **لاطويله ولاعريضــــه
مربوعه في قدها بين حمرا وبيضـــاء
ومعدوله في زينــــــــها من الخرخوطات** ولاهي من السمـــرات
ومربوعه ومسّلــــسه وزين السلسات

*الكاف كيفي( بمباركه )ولا ثمـــــّه شكْ** لاننكـــــر لا نصٌــــــــكْ
ودارك بعد مبـــاركه لا حقـــــــني دركْ
سنــــين فاتو يا مبـــــــــاركه لاحبْ يفـِكْ **إلـــــكْــلِــــكْ فـــــيا لكْ
إلتــــــوْ قـــاعد يا صاحبي البارود إبٌكْ
وفتيني يا مبــــــــاركه وزمــــــــانك فات **وخلفـــــتي ليعــــــــات
بقت ذكـــرى يا مباركه من الذكـــريات

*اللام لاهي بمصالحي ومــــــــــرتاح البال** وقلت بصبــــري إنّال
ويزيني يا صاححبي هل العشـق إهبال
غير حظي ومحــــــــــايني بلوني (بدلال)** غثيت هافــــي يطـوال
حــدّر فوق أكتـــــافها مظــــــلل بظلال
ويــــرعب هز عيــــــــونها زوز كبيرات** أرخى مـــن لرخـــــات
للها وقفــوا قـــــــردفوا ثلاثـــه يطنات

*الميم (مــــــــريم) ياصـاحبي وتراكا ثمْ** سكنـــــتني في الـــــدم
لا نشكــــر في ولفــــتي زاده لا نـــــذم
حياتي معاها مـــاشيه من غيـــــر نـــــدم **المكتـــــــــوب يحتّــــم
والكِتـــــبه يا صاحبــــي تفـــــرّق وتلم
ومريم صيــــــفه خاصّه بين الصيــــفات** تعاشي على لخــــرات
وسمره قمـــحي لونها وزين السمرات

*النون ننسى من خاطري ونتفكر (زينه)** أليا ما عمـــلت فـــــينا
وفـــــــرّقنا مكــــــتوبنا نسيت ونسيـــنا
أيام ولعنا وصغرنا ويـــــــاما تـــلاقــــينا** والذكـــــرى تـــــــزّينا
ألي سقــتنا من كاسها لكــــن ما روينا
وذكـــرى قعدت طــــــيبه للها سنــــاوات **فيــــها دومـــانــــــات
منقـــوشه في الذاكــــره تحت الشيبات

*الصاد صابر علصـــادني وبيّا (مناص)** المحجوبه في أقفاص
ولا غـــــــــافل حزّارهــــا لارقد خلاص
ووالله لولا كــــــــلابها وهـــــاك القنّاص** ألّي بيــــّا يٌـــــــرباص
ألي حاكم بحكومته حـــــربي ورصاص
باقي نعمل عمـــــــلتي وياســـــر عملات** تحيّر حتى المــــــــات
طلاسم ترعب خـــــايبه وسته حجابات

*العين عارف وعوايدي عندي في البيعه** ولا نقـــــــبل ترقيــــعه
غير شـــاقي وشقــاي في جرّة (ربيعه)
وفي هواها وغـــــرامها مبلّعْ تبليـــــــعه **ولاعنــــديش طميـــعه
نخرج من مـــرمورها لبــــرور وسيعه
وفي ظنّي يا صـــــــــاحبي مولا الشيبات **ينقّص من الهــــدرات
حتى كـــــانه لجــــــالنا حــــر الجمرات

*الغين غـــــــايب في فكرتي وبيا(بليغه)** بين ملْيه وتفــــــريغه
قوللها يا صاحــــــــبي لاش التـــرويغه
كانه حديث كلامنا مطبــــــــوع بصـــيغه** موش لازم تمضيــــغه
يبلّغْــــــني ونبلـــــغهْ محلى التبلــــيغه
وكانك للاّ نــــادمه هـــــــــــــاتي الحبات **ماشي قدى لخـــــرات
النافــــــح يطفي نفحــــــته بالنفّحـــات

*الفاء فاتت في زمـانها وراحت (عفاف)** إذبِلْ إعشِبها وصــاف
ألي بكري في زمانهـــا ما للها أوصاف
يا حسره يا ولفتي منيــــــــن كــنّا أولاف** لاتخافي لا نخــــــــاف
زمان عشنا في وقتنا لثنين أشـــــراف
لا نذِلـــــــو لا نحسْبو كثـــــر كلامــــــات** لا قالــــــــوا لا قــــاتْ
معشـــــوقه ومعشـوقها عاشــو بايات

*القاف قاعد يا صاحبي إلفِّقْ تلفـــــــيقه** من رمقـــات خليــــقه
سألناها على إسمهــــــا وقلت (شفيقه)
تشْفقْ ماهو جريحها يعــاني من الضيقه **كالح شــــايح ريقـــــه
ألي عِشقِـــــكْ ياباهيه كونيلــــه رفيقه
جريح قالق من جرحها يحب دوايــــــات** من يديـــــن السِمحات
ديما يداوو ويــــــجرحو بالهـــــــمّادات

*السين ساهر بسوايعي وبيّا (ونيـــسه) **ألّي درستْـــني دريسهْ
ألي ديما في مجـــلسي تحــــــكم رئيسه
وجاء حسابي وحســــابها قيسه بالقيسه** بليس يختلْ في بليسه
مضايقني ومضايقه ضـــيق التنْفيــسه
الله ينعـــــــل يا صــــــــاحبي كل بليساتْ **على كل الجـــــيهــــات
من أصحابـــي لأصحابها لكل الصحبات

*الشين شايق(ياعايشه) كان ما تدريش** وإنت مــــــا تهــــنّيش
السِر إنت يا عايشه وغيـــــرك ما فيش
تسقّدني في قضيتي الليله تقـــــــــــدّيش **وكان قلتــي ما يجيش
لزمْ لازِمْ تنـــبدْلـِكْ يــزي التشـــــويش
نشوف غيرك يا عايشـــــه من العشّاقات** الموعـــــدهم بثبــــات
كان وعدوا وتواعدوا قـــدّوا السهرات

*الهاء هاني في محنــــتي وهيا هــوّيها **ألي إسمــــاها (نبيهه)
الشدّتني في حبالها على رابع جيــــــهه
ترفـــــــعني وتحطـــــْني لكن خلّــــــــيها** تعمل مـــــا يواتيـــــها
نسيـــــــتْني من بـالها ونا مـــا ناسيها
خيار الدنيا ساكته وعــــــــزاها سكــــات** الما عرفْ الخــــــالات
يغٌمْ طيره بالسّـــــــاكته تحت الحجرات

*الواو واجِمْ ياصاحبي وحيـــــــران إلْتوْ **معكّرْ عنـــــــدي الجو
من(حـــــوّا) يا صاحبي الله يحِـــد السّوْ
الله يسامــــــح ياصاحبي الجابوا وضنوا** لاباعــــــوا لاشـــــروا
ورْد ألّي في جنـــــــاينه راوي بالنـــــو
الزينه يطلع زينها من أصل الـــــــزينات **خــــــدود التفاحـــــات
ومنطقها وكـــــــلامها بحكمـــــه وثبات

*اللاّم لازم في قصيدتي نذكر نجـــــــلاء **غـــزال يرتع في فلاء
ألي غلاها في قلــــــوبنا بألفيـــــــن غلا
أنا باقي ندعيــــــــلها في كل صـــــــــلاه **خــلا فيـــها وخـــــــلا
منينه الحب يلمــنا والجـــــــــــــو صفاء
هذي دنــــــيا فــــــانيه وفيهــــــا دورات** ساعه في الشيخــــات
وساعه لنهـــــــا خـــــايبه وفيها نكبات

*الياء ياما ماشفتلك ياعيـــــــن شــــويّه **في الدنيــــــا هـــــاذيه
وياما وقتي ضاعلي في جـــــرّة (زكيه)
محمد خطْ قصيــــــــدته إستغــفــر بالنيه **وغير واتتْ سهــــريه
زهّينا حضـــــــــّارنا بقصـــــــــيده حيّه
وجـــــارينا موضوعـــنا في بعض أبيات بـــــاقي زمانه فـــــات
زمـــــــان كنّا من الطايره نهِزوا بايات

ــــــــــــــــــــــــــــــــ(تمت)