الوصية

الوصيّة،سنوية 2005 قصيدة إجتماعية وصية أب إلى إبنه قبل وفاته ،كان كما هو معروف لدى جميع العرب بأن هناك أشياء لايمكن التفريط فيها مهما حدث ألا وهي القيم،المبادى،

الشرف، وعدم الانحناء إلا لللاّه سبحانه القوي القادر . إلاّأن هذه المفاهيم تغيّرت في زمن قالوا إنه زمن العولمة وكل من وقف أمام هذا التيّار أصبح غريبا ويالها من غربة لم يتحدث عنها أحد من قبل ،لذاوصفونا بالانتحارين الذين يقفون امام تيار قاتل فما كان منا إلا ان نقول لمن علمنا السير في عكس التيار:

الله يسامحك يا والدي تعّبـتـني *** ووشوشـتـلي حتى نهار النعـش
سريعة قوايم مانعه ركّــبتـني *** ووصيـتـني للظـلم مـا نركعـــش

ورّيتني يا والدي في حقـــــــــوق** ووصيتني في الحق ما نسلّــــمش

وطلّعتني ياسر الفــــوق الفــــوق ** وصعّبتلي التحدير ما إنّجــــــــمش

ووصيتني نشاور أمّـــالي السوق ** ومن غير أهل السوق ما نكلّمـــش

لقيت سوق ماتخلصِش فيه حقوق** ولا تفرّز الظالم من الماظلــــــمش

مرزوق يجـــري في قفى مرزوق ** وسالم إمسلّم في البلا وماإسْلمش

وقتلي تكرّم وإطلق المخنـــــــوق ** طلقته حمّش النار تحتي حمـــــش

وقتلي على للْياش يخلوا البـــوق ** ولّوا أسياد يفهموا الما فهِــــــمش

ووصيتني عل حيطهم مشقــــوق ** في قربهم لِمْباتْ ما يلزمـــــــــــش

وقتلي عل ألّي لابسه البخنـــــوق ** راهي مع الشيطان ما تقسِمــــــِش

ولاعاد لابخنوق لامشـــــــــــقوق ** الكل إستوت من العيب ما تحشمش

سروال من تالي بدا محــــــــزرق** وبرمشها تقسي خفيف الرّمـــــش

وقتلي الفرس باتت بلاش عـلوق** البعْلٌوقها في الليل ما تحمْحِمِِـــشْ

ركِبْت الفرس ولهدتها بــــلا ذوق** قدى وين شبّتْ بي ما نحوّمِـــــشْ

مادمت راكِب والعباد تســـــــــوق** موافق على لسوام ما نساومِـــشْ

وهي منورهْ ونوّارها من البــــــوق** ســــعدك المــــاتـــــسمــــــــــعِش

حتى تسِبْ الناس ما ترجّعِش

وصّيتني وما عاد فيها حـــــــــين** اليوم الوصايه عندها قــــــــــدّاش

وحمّلتني حملك نزل رزيـــــــــــن** ومن يومها ما قلتلي كيفــــــــــاش

ومن وقتها ومن وين حتى لويــن** تبدّل عليّا اللعب ما فِهمتـــــــــاش

الناس يلعبوا واللعب عل حبلـــين** نا حبل واحد يوم ما فتلــــــــــتاش

الناس شهدوا في صلاتنا بصبعين** أنا خفت ما قدرتش نقــــول علاش

ماك قلتلي تنبّه وكون فطـــــــــين **وجلدك بلاش أســــباب ما تحكّاش

وماك قلتلي وأيّاك قرب الطــــــين** ألّي حصِلْ وسط الطين ما ينجاش

وفهّمتني وخطّتلي سطــــــــــرين** ونصحتني غير النصـــــــيحه لاش

ورجعت للي هربت منه سنيــــــن** ألْظنيت أنت زمان ما قـــــــدِرتاش

عشرين عام وفوقهم عاميــــــــن** معاند نفارع في قضاء للــــــــياش

إنطيّح السِّته يطلعوا ستـــــــــــين** بالله هكا والـــــــــدي لوقـــــــتاش

ويا والدي نحلف نحٌطْ يمـــــــــين** ثقيله الوصيه تهدْ منـــــها الجاش

التيّار قاوي وما بغاش يليـــــــــن** بديت في التبع والعـيب ما درتاش

رفعت العلم يمكن الامر يهيـــــــن** وقصدِت باب الصلــح ما لقيـــتاش

وكل يوم يثّقل عليـــــــنا ديــــــــن** حتى الهــــــــــرب ما منعِـــــــــشْ

وزاد قال مولى الدين مانوسّعِش

ياوالدي وصّيت عل لقـــــــــــراب** وقتلي أقراب الــدم ما يخـــــونوش

وقتلي القرابه باب من لبـــــــواب** ووقت المحاين بيك ما يخلّــــــوش

وراس النبي منهم شعل مشـــهاب** وقصدوا خراب الدار ما ولّـــــوش

غير ربنا هداني طريق صــــــواب** طريق ألّي فيه خلاص ما يدلّــوش

ووصيتني قتلي الكرم جـــــــــلاّب** نصبت الموايد هرّبوا ما جــــوش

ووصيتني قتلي الشجاعه بــــــاب** إنحل بابها والناس مادخلـــــــوش

وقدمت لن وصلت للمحـــــــــراب** لكن ورايا الناس ما صلّـــــــــوش

وقتلي تحاشا الكذب والكــــــــذاب** بلا كذب قالوا الناس ما نقِــــدّوش

وقتلي تبعّـــــدْ عل زير الــــــــناب** ألّي تبعّدوا هالناب ما إنجرحــوش

لكن لحِقنا الضــــــــــرب بالنشّاب** سوى البعّدوا وإلاّ الما بِعـــــدوش

وياوالدي حتى بلاش أسبــــــــاب** بلا سبب فيها ناض بوعلّـــــــوش

ماك قلتلي حجِّبْ على لِكْـــــــــلاب** وهز العصى عالزاحفه والهـــوش

قالوا العصى من علامة الارهــاب** ريتش عصاتي خرّجت كرطــــوش

ولرهاب هذا كـــــــــارثه وزرداب** وكلمه جديده كان ما تــــــــدروش

وياوالدي من الحمـل ظهري طاب** المغصوب مـــــــا يطـــــــــاوعِش

والضرب جنب الحيط ما يوجّعِشيا والدي ماعاد فيـــــــــها كــــلام**

شِدْ تربتك وخــلاص ما تحكــــيش

وهكا تعدى العام بعد العــــــــــــام** والوقت غيّرني وما نـــــــــــدريش

ولزيتني لدخـــــول للحمـــــــــــام ** لكن خروجه كيف ما قتلــــــــــيش

ويا والدي ولّى النهار ظـــــــــلام ** سخِنْ جونا والشمس ما تضويش

وكل يوم يقوى الطّرز عل قــــدّام ** بالفخفخه والكذب والتفيـــــــــيش

وتحلّلت ما عاد فيها حـــــــــــرام ** أذبح وكان تحِبْ ما تسمـــــــــّيش

جابوا الدجاج ورخصوا لســــوام** من ريشــها حتى بـــــــلاشي ريش

ولاتلوم لايبقى عليـــــّا مـــــــــلام** طاب القـــفى من العض والتنتيش

وبكلـــــها عرّت على لقــــــــــدام** كثر جريـــــها قدى وين ما ندريش

تلهث وتجــــري في طريق أوهام** طريق الْدخـــلها خلاص ما يولّيش

وتخلّطت في اللبـس والهنــــــدام** وولى يجي القـــلتلي مايجــــــــيش

كبير العقـــــل دوّر لوي لحـــــزام** ولاموا عليّا كيف ما نلــــــــــويش

ورحلتْ مشـــــتْ يخذتْ الكل تمام** وأنت تقولّي خلاص ما تمشــــيش

حتّين يوصلـــــــني الوصل صدّام** ويبدا عليّا حصــــار والتفــــــتيش

ونهارها ما يجـــــيبها تخمـــــــام** التخـــــــمام مــــــــــا ينفعِـــــــش

ومن تسأله يسكت وما يرجّعش

قال:لاش ياظنيني تحيروا الميتين** مادام صــــــــارلكم عمى وطــرش

ولاش يا وليدي تحســبوا غالطين** وهي ميته وأنت مشيت تحِـــــــشْ

خلاص أرقدوا ما دامكم نايمــــين ** ما تشبحوا خنّاب كيف تخٌـــــــــش

ومادامكم في بعـــــضكم لاهيــــين** والنار تسرز والمســـــــــاكن قش

ومادام درتوا روســـكم في الطين ** جريتوا بكلكم عل خــــــراب العِش

ومادامكم في الريح بــــــــــيّاعين ** يمشي جميع إنفاخكم فـــــي الفش

وصّيت لمكنتي الوصيه ويــــــــن** ولا حد منكـم في التراب نـــــــبش

ولا قصد قصدي تنبشوا بليــــدين** مادام كل غــــــــار فيه حنــــــــش

ولاقصد قصدي تقعدوا قاعديـــــن** حتّين تأكلـــــــــكم كـــــــلاب النّش

ولا قصد قصدي تخالفوا لخريـــن** مع الوقت مــــــــرّه صمْ مرّه هش

ولبعِدِتْ وتــــــــوصي البنّايـــــين** لازم قواعد بنيــــــــتك تنــــــــغش

وليّام ياكــــبدي مع الصابــــــرين** والشمس تحرق والمطر تــــــرش

قتله:ياوالي أنت إتّكلم ويــــــــــن؟** محتاجلك ولدك خلاص إنهـــــــشْ

وياوالدي مازلت بين البـــــــــــين** ومازال في قلبي عقاب غـــــــوش

ومازال في الظبيه عقاب عويــــن ** ومازال صوت الشعر بيه نطٌـــــشْ

على كرومتي حطّيتلي ســــــــكين** وقــــررت مــــــــا نرجعــــــــــــْش

وغير للخلق الناس ما نركعِش

الله يسامحك

(تــمـــت)

لسماعه بالصوت